Real como la vida mesma
La competición p'algamar el títulu de llambiculos mayor del reinu hasta va poco taba bastante disputada: nun mos faltaben periodistas pa celebrar esi rei tan campechanu que tenemos, confiteros que -y llamaben « letizias » a nun sé qué pastelucu, alcaldes y conseyeros tascándose a los príncipes nel Campoamor. Pero a partir d'agora toles discusiones sobre'l tema son ocioses. Ta claro que'l títulu ha de llevalu con tol merecimientu el fulanu qu'acaba de demostrar, supongo que tres de varios meses de trabayu, que la nuestra princesina tien sangre real.
Esbilla
del.icio.us